कॉंग्रेसचे उमेदवार संतोषसिंह रावत यांनी केले त्यांचे पक्षात स्वागत
भोजराज गोवर्धन, मूल
कॉग्रेस पक्षाकडुन नगराध्यक्ष राहिलेले विजय चिमडयालवार आणि वंचित बहुजन आघाडीचे शहराध्यक्ष डेव्हिड खोब्रागडे यांनी मंगळवारी कॉंग्रेस पक्षात प्रवेश केला आहे. बल्लारपूर विधानसभा क्षेत्राचे कॉंग्रेसचे उमेदवार संतोषसिंह रावत यांनी त्यांच्या गळयात कॉंग्रेसचा दुप्पटा टाकुन त्यांचे स्वागत केले. Vijay Chimdyalwar, Devhid khobragade
गेली अनेकवर्षे कॉंग्रेस पक्षात कार्यकर्ता पासुन तर नगराध्यक्ष म्हणुन अतिशय उत्तम प्रशासन सांभाळलेले विजय चिमडयालवार मागील काही दिवसांपुर्वी भाजपावासी झाले होते मात्र स्थानिक कार्यकर्त्यांशी त्यांचे सौख्य न जमल्याने त्यांनी जिल्हा मध्यवर्ती सहकारी बॅंकेचे अध्यक्ष संतोषसिंह रावत यांच्या उपस्थितीत मंगळवारी कॉंग्रेस पक्षात प्रवेश घेतला आहे. त्यासोबतच वंचित बहुजन आघाडीचे मूल शहराध्यक्ष डेव्हिड खोब्रागडे यांनीही संतोषसिंह रावत यांचे नेतृत्व मान्य करीत रम्यज्योत लॉन येथे झालेल्या सभेत कॉंग्रेस पक्षाचा दुप्पटा खांदयावर घेतले. त्यांच्या यापक्ष प्रवेशामुळे कॉंग्रेस पक्षात आनंदाचे वातावरण निर्माण झाले आहे. Mul Santosh Rawat
ऐन विधानसभा निवडणुकीच्या तोंडावर कॉंग्रेस पक्षात होणारी ‘‘इनकमींग’’ कॉंग्रेस पक्षाला नवसंजिवीनी देणारी ठरणार की काय याकडे कार्यकर्त्यांचे लक्ष लागलेले आहे. Ballarpur Assembly
